Кізіма Сяргей Анатольевіч

Кандыдат гістарычных навук, дацэнт кафедры гуманітарных дысцыплін Мінскага інстытута кіравання. Мае дыпломы па гісторыі, паліталогіі, праву, сацыялогіі. Атрымаў больш 20 грантаў на правядзенне даследаванняў і наведванне навуковых мерапрыемстваў за мяжой. Павышаў кваліфікацыю ў Германіі, ЗША, Італіі, Македоніі, Расіі і Нарвегіі. Выступаў з дакладамі на міжнародных канферэнцыях у Фінляндыі (Хельсінкі, Турку, Тамперэ), у Нарвегіі (Берген), Аўстрыі (Вена), Венгрыі (Будапешт). Аўтар 30 навуковых і вучэбна-метадычных работ, выдадзеных у Нарвегіі, Аўстрыі, Фінляндыі, Расіі і Беларусі.

Лянцэвіч Вольга Міхайлаўна

Кандыдат гістарычных навук, дацэнт кафедры гуманітарных дысцыплін Мінскага інстытута кіравання. Сфера навуковых інтарэсаў – гісторыя антычнага хрысціянства і гендэрная гісторыя. Праходзіла павышэнне кваліфікацыі ў ЗША, Польшчы і Беларусі. Удзельнічала ў шэрагу міжнародных і рэспубліканскіх навуковых і навукова-практычных канферэнцый. Аўтар 25 навуковых і вучэбна-метадычных работ па гісторыі Беларусі, рэлігіязнаўстве, гісторыі педагогікі.

Самахвалаў Дзмітрый Сяргеевіч

Кандыдат гістарычных навук, PhD, дацэнт кафедры гуманітарных дысцыплін Мінскага інстытута кіравання. Навуковы сакратар Беларускай псіхагістарычнай асацыяцыі, член Міжнароднай псіхагістарычнай асацыяцыі (IPA, ЗША) і Еўрапейскай асацыяцыі віртуальнай гісторыі (EAVH, Нідэрланды). Аўтар больш за 25 навуковых і навукова-метадычных прац па гісторыі Беларусі, гістарычнай псіхалогіі, тэорыі і метадалогіі гістарычных даследаванняў.